ఉల్లి (ONION)

ఉల్లి

"ఉల్లి చేసే మేలు తల్లి కూడా చేయదు"  ఇది దాదాపు తెలుగువారందరికీ తెలిసిన నానుడి. ఆయుర్వేదంలో ఉల్లిని కొన్ని వందల రోగాలకు ఉపయోగిస్తారు. అందుకే ఈ నానుడి  ఇంత ప్రాచుర్యం పొందింది. అందులోంచి మీకోసం కొన్ని.

• చలికాలంలో తరచూ జలుబు చేస్తూ ఉంటుంది. అటువంటివారు తేనె, ఉల్లి రసాన్ని సమపాళ్లలో కలిపి రోజూ మూడు స్ఫూన్ల చొప్పున తీసుకుంటే చక్కటి ఫలితం కనిపిస్తుంది.
• ఉల్లి లైంగిక సామర్థ్యాన్ని పెంచడంలో అద్భుతంగా పనిచేస్తుంది. మొదట తెల్ల ఉల్లిని పొరలుగా చీల్చి, దంచి, దానిని వెన్నతో కలిపి వేయించుకుని ఒక స్ఫూను తేనెతో కలిపి ఖాళీ కడుపుతో ఆ మిశ్రమాన్ని రోజు క్రమం తప్పకుండా తీసుకుంటే అద్బుతమైన ఫలితాలు కనిపిస్తాయి.
• పైల్స్‌తో బాధపడుతున్నవారికి ఉల్లి చాలా ఉపకరిస్తుంది. మొదట  30 గ్రాముల ఉల్లిపాయను చిన్న చిన్న ముక్కలుగా చేసి నీళ్లలో వేసి, అందులో 60 గ్రాముల పంచదార కలుపుకుని రోజుకు రెండుసార్లు చొప్పున తీసుకుంటే కొద్ది రోజుల్లోనే మంచి ఉపశమనం లభిస్తుంది. 
• చెవులొ హొరు ఉన్నవారు దూది మీద ఉల్లిరసాన్ని  పిండి ఆ దూదిని చెవిలో ఉంచుకుంటే మంచిది.
• పంటి నొప్పి, చిగుళ్ల వాపు ఉన్నవారు  గోరువెచ్చటి నీటిలో ఉల్లిపాయ రసాన్ని కలిపి పుక్కిలిస్తే మంచి ఉపశమనం లభిస్తుంది. తరువాత  ఉల్లి రసాన్ని దూదితో అద్దుకొని పళ్లపై చిన్నగా మసాజ్ చేస్తే చిగుళ్ళ నొప్పులు, వాపుల నుండి విముక్తి పొందవచ్చు.